Դիմում #4444

Քաղաքացու հաղորդագրություն

Պարոն Փաշինյան համոզված եմ , որ կարդալու եք բոլոր նամակները, ոչ մեկը անտեսված չի մնա, բայց չեք կարող բոլորին բարձրաձայնել։ Ուստի խնդրում եմ թեկուզ հետագայում անդրադառնալ ՀՀ ԿԱ անշարժ գույքի պետական կոմիտեի գործունեությանը։2000-2001թթ-ին Գեղարքունիքի մարզի Ծովագյուղ համայնքում կատարված անվճար քարտեզագրման աշխատանքներից ոչ բոլորն են օգտվել։ Պարզվում է, որ հապճեպ կատարված աշխատանքներում շատուշատ անճշտություններ կան և դրանք այսօր խոչընդոտում են քաղաքացիների սեփականության իրավունքի ձեռքբերմանը։ Որակավորված ԱՁ կազմակերպությունների կողմից կատարված չափագրումները (բավականին թանկ գներով) առաջացնում են համադրություն` համայնքի հերթապահ էլ.քարտեզներում և կադաստրի կոմիտեն սեփականության գրանցման համար պահանջում է վերացնել համադրությունը, փոխարենը ինքը համայնքապետի տված որոշումների ու տեղեկանքների, խնդրանքների հիմքով անվավեր ճանաչի նախկին անգրագետ կատարած աշխատանքը և անօրինական ձևով քաշքշուկ չառաջացնի մեր սեփականության ճանաչման գործում ու մեզ գցի դատարանների դռները։ Ի դեպ` դատարաններն էլ աշխատում են խծբ-ով, ու պահանջում, որ բոլոր հայցվորները լինեն կամ գերազանց իրավաբաններ, կամ էլ ունենան թանկարժեք փաստաբաններ,որ իրենց դիմումները ետ վերադարձնելու պատճառաբանություն, պատրվակ չլինի։ Ահա թե պետության հետ որ փոխհարաբերություններն են մեզ ստիպում դիմել վարկերի ու ողջ կյանքում դառնալ բանկերին գերի`սոցիալապես անապահով, անտունուտեղ, փարոսառու։ Վկա Ձեզ ուղղված աղաչանք-խնդրանքները....Խնդրում եմ թոյլատրել` այս գործի փաթեթը ներկայացնեմ կառավարություն և այն քննության առնվի ԱԺ համապատասխան հանձնաժողովում, որովհետև հասարակ քաղաքացիների ուղարկված դիմումները լավագույն դեպքում տեղ են գտնում աղբամաններում և մնում անպատասխան։

Ամփոփում

Lsum-ը գտել է 3 խնդիր

• 01

  Հող և կադաստր

  Բնակարանային հարցեր և գույք → Հող և կադաստր

  Վայրեր: Գեղարքունիքի մարզի Ծովագյուղ համայնքում

  Ազդված խումբ: Ցածր եկամուտ ունեցող տնային տնտեսություններ · Բնակարանային անապահով / անօթևան · Նպաստառուներ

  Բացել խնդիրը →
• 02

  Դատարաններ և իրավաբանական օգնություն

  Արդարադատություն, իրավունքներ և հանրային անվտանգություն → Դատարաններ և իրավաբանական օգնություն

  Բացել խնդիրը →
• 03

  Բողոքարկումներ և գործերի վերանայում

  Հանրային կառավարում → Բողոքարկումներ և գործերի վերանայում

  Բացել խնդիրը →

Ուղղորդված է

• Կադաստրի կոմիտե
• Բարձրագույն դատական խորհուրդ
• Ազգային ժողով
• Վարչապետի աշխատակազմ