Դիմում #4753

Քաղաքացու հաղորդագրություն

Կգա <<վաղվա>> օրը, իր անմխիթար պատկերով։ Համատարած թշվառություն, աղքատություն, գործազրկություն, հիասթափություն։ Սա հաղթահարելու համար պետությունը կառաջարկի մի քանի փոխհատուցման ծրագրեր ու այսպես կոչված <<արտոնյալ>> վարկեր, որոնք անխուսափելի արժեզրկման պարագայում հազիվ կբավարարեն նախկինում վերցված վարկերի մարման համար, ու որևէ տնտեսական բարելավում չեն բերի։ Այս վիճակը շղթայական կբերի կյանքի միջին տևողության նվազման ու մահացությունների ավելացման այլ հիվանդություններից, թերսնուցումից, բժշկության անմատչելիությունից, սուիցիդից։ Զուգահեռներ տանելով համաճարակի պատճառով ամենավատ պայմաններում հայտնված երկրների հետ(Իտալիա, Իսպանիա), որտեղ ռեսուրսների սպառումը բերեց առողջապահական համակարգի կաթվածահար լինելու, որը և պատճառ դարձավ մեծաթիվ մահերի, կարող եմ թվերով համադրել, որ մեզ մոտ կարող է լինել 4500 հիվանդ։ Նրանցից ընդամենը 900- մոտ կլինի ինչ որ ախտանիշների դրսևորում, որից ինտենսիվ թերապիայի կարիք կունենան ոչ ավել 200 հիվանդ։ Ընդ որում սա ավելի քան 2 ամսվա ընթացքում։ Համեմատության համար Հայաստանում 2 ամսվա ընթացքում միայն ավտովթարներից ունենում ենք մոտ 65 զոհ ու մոտ 1100 վիրավոր։ Սրան գումարեք արտադրական միջադեպերից զոհերն ու վիրավորները։ Բայց այս վիճակագրությունը առիթ չի տվել մտածել, թե կարելի է որևէ համապետական սահմանափակում մտցնել տնտեսվարելու կամ տեղաշարժվելու առումով։ Հիմա, երբ երկրով մեկ համատարած սահմանափակումներ են, պարզ է, որ այդ ռիսկը իջեցված է, բայց կցանկանայի թվերով տայիք տրամաբանական հիմնավորում, որ միջոցառումները, որ սահմանափակումների առումով կրում է ոչ թե թիրախային բնույթ այլ համապետական են, եղել են ու կարող են մնալ միակ միջոցը, որ առողջապահական համակարգը կաթվածահար չլինի, ու թվերով ներկայացնեիք, թե ռիսկային քանի մահվան դեպքից խուսափելու համար է երկրով մեկ կյանքի բնականոն ընթացքը կանգնեցվել։

Ամփոփում

Lsum-ը գտել է 2 խնդիր

• 01

  Հանրային առողջության արտակարգ իրավիճակ

  Առողջապահություն → Հանրային առողջության արտակարգ իրավիճակ

  Վայրեր: Հայաստանում · Իտալիա · Իսպանիա

  Ազդված խումբ: Բիզնեսներ

  Բացել խնդիրը →
• 02

  Հրատապ օգնություն

  Սոցիալական պաշտպանություն և ընտանիք → Հրատապ օգնություն

  Վայրեր: Հայաստանում

  Ազդված խումբ: Վարկառուներ / պարտապաններ

  Բացել խնդիրը →

Ուղղորդված է

• Առողջապահության նախարարություն
  • Հանրային առողջության բաժին
• Վարչապետի աշխատակազմ
• Աշխատանքի և բարեկեցության նախարարություն
• Կենտրոնական բանկ