Դիմում #4542

Քաղաքացու հաղորդագրություն

Պարոն Փաշինյան, այս համաճարակի և մեր երկրի ու ժողովրդի առջև կանգնած մարտահրավերների հաղթահարման արդյունավետության բարձրացման համար ազգայի միավորման ու համախմբման ձեր կոչերը կարծես թե այնքան էլ լուրջ արդյունքներ չեն տալիս: Ընդհակառակը, լրատվամիջոցներով, սոցցանցերում և այլ հարթակներում երբեմն հնչող խիստ անհրաժեշտ ու օգտակար կառուցողական դիտարկումների, քննադատության ու առաջարկությունների հետ մեկտեղ ընդդիմադիր քաղաքական գործունեության և խոսքի ու լրատվության ազատության քողի տակ ահագնանում ու վտանգավոր չափերի ու որակի են հասնում անձնական վիրավորանքներն ու վայրահաչությունը, պոպուլիստական ապակառուցողական հայտարարությունները և առաջարկությունները, ապատեղեկատվությունը, սադրիչ գործողությունները, հանրության մոտ դժգոհության ու անվստահության սերմանումը, խուճապի հրահրումը և այլն: Այս պարագայում ինչպես եք վերաբերում այն առաջարկությանը, որ Դուք մեկ անգամ ևս հայտարարեք և հորդորեք վերջ տալ կառուցողական պետականամետ ուժերի ու քաղաքացիների կողմից շարունակվող սև և սպիտակի, հնի ու նորի անապագա ու վնասակար հակամարտությանը և համախմբվել ազգային ամբողջ ներուժը առկա մարտահրավերներին առավել արդյունավետ դիմակայելու համար՝ միաժամանակ շոշափելիորեն խստացնելով վայրահաչոցների, ապատեղեկատվության, սադրիչ գործունեության և ապապետական հարակից այլ գործունեության դեմ պայքարը: Այս առումով ինչպիսին է նաև Ձեր դիրքորոշումն այն առաջարկի նկատմամբ, որ ինքներդ որպես մեր պետոիթյան առաջին դեմք միջնորդություն ներկայացնեք պ. Քոչարյանի խափանման միջոցը ժամանակավորապես փոխելու վերաբերյալ՝ ակնկալելով միաժամանակ, որ նա և իրեն աջակցող ուժերը ևս կօժանդակեն իշխանություններին համախմբելու և մոբիլիզացնելու ժողովրդին առկա մարտահրավերների դիմակայման ու հիմնախնդիրների արդյունավետ լուծման շուրջ:

Ամփոփում

Lsum-ը գտել է 2 խնդիր

• 01

  Իրավունքներ և խտրականություն

  Արդարադատություն, իրավունքներ և հանրային անվտանգություն → Իրավունքներ և խտրականություն

  Բացել խնդիրը →
• 02

  Դատարաններ և իրավաբանական օգնություն

  Արդարադատություն, իրավունքներ և հանրային անվտանգություն → Դատարաններ և իրավաբանական օգնություն

  Բացել խնդիրը →

Ուղղորդված է

• Արդարադատության նախարարություն
• Ազգային ժողով
• Վարչապետի աշխատակազմ
  • Prime Minister
• Առաջին ատյանի դատարաններ
• Գլխավոր դատախազություն