Դիմում #4201

Քաղաքացու հաղորդագրություն

պրն.Փաշինյան, Ձեզ եմ դիմում հարյուր հազարավոր վարկառուների անունից, որոնց հարցադրումներն ու պահանջները ճիշտ են և օրինական`կապված ՀՀ-ում գործող վարկային կազմակերպությունների բարձիթողի վիճակի հետ: ԿԲ-ից Ձեզ չեն ներկայացնում իրական տվյալներ տիրող իրավիճակի մասին, քանի որ շատ վարկային կազմակերպություններ բացվել են նախորդ իշխանությունների լուռ համաձայնությամբ ու թող տվությամբ: Խոշոր ներդրումների մասին իշխանությունները չեն կարող տեղյակ չլինել: Վիճակը շատ ավելի վտանգավոր ու սարսափելի է, քան Դուք կարող եք պատկերացնել: Վարկերի նպատակը բնակչության կարճաժամկետ կամ երկարաժամկետ խնդիրների լուծման համար է, ոչ թե մարդկանց վերջին դրամը խլելու համար:Օրինակ `1. Վարկային կազմակերպությունն առաջարկում է վարկ 50,000-1,400,000 ՀՀ դրամի չափով, 21-70տարեկան անձանց, տարեկան անվանական տոկոսադրույքը 0%, փաստացի տոկոսադրույքը` 79,60-117,54%`կախված վարկարժանությունից, վարկի ամսական սպասարկման վճարը ամսական 5-8,33% կախված վարկարժանությունից, 1-36 ամիս մարման ժամկետով:Օրինակ`2. Առաջարկվում է 10,000 ՀՀ դրամից սկսած բլանկային վարկ և ոչ ոք չի ասում հարգելի վարկային կազմակերպություն հետո ինչպե՞ս ես ետ ստանալու այդ գումարը: Պարզ է, որ քաղաքացին դա վերցնում է մեկ օրվա սննդի խնդիր լուծելու համար, այսինքն եթե մարդն ունի այդ 10,000դրամ վարկի կարիքը, ուրեմն նա աղքատության շեմին է կանգնած և չի կարող ետ վերադարձնել, քանի որ այս գումարին ավելանում են տոկոսներ, տույժեր:Օրինակ`3. Տրամադրվում է կենսաթոշակի գրավով վարկային գիծ` կենսաթոշակի եռապատիկի չափով, առավելագույնը 50ամիս մարման ժամկետով, հաճախորդը պետք է վարկի հաստատման պահին լինի առնվազն 21 տարեկան, իսկ վարկի վերջնաժամկետին ոչ ավել քան-72 տարեկան, հաճախորդը պետք է առնվազն վարկային գծի հայտի ներկայացման կամ դրան նախորդող ամսում առնվազն 1 ամսվա կենսաթոշակ ստացած լինի Բանկի կենսաթոշակային վճարային քարտով, ընդ որում, հաշվարկում հիմք է ընդունվում վերջին վճարված 1 ամսվա կենսաթոշակի գումարը: Եթե հաճախորդը պետք է լինի առնվազն 21 տարին լրացած, ապա ի՞նչ կենսաթոշակի մասին է խոսքը: Նկատենք նաև, որ կենսաթոշակը հանդիսանում է գրավի առարկա, այսինքն, եթե վարկառուն վերջնաժամկետում չկարողանա մարել վարկը, ապա գումարը կբռնագանձվի այդ կենսաթոշակից: ԱՌԱՋԱՐԿՈՒՄ ԵՄ 1.կատարել հետևություններ, 2.մանրամասն ուսումնասիրել հատկապես վարկային կազմակերպությունների <<Ծագման աղբյուրը>>, 3.սառեցնել վարկերը, կատարել այսպես ասած գույքագրում, 4.նախորդ իշխանավորներից և այլ աղբյուրներից ետ բերված գումարներն ուղղել մինչև 500,000 դրամ վարկային պարտավորություն ունեցողների վարկերի մարմանը, 5.խստացնել այսուհետ վարկերի տրամադրման պայմանները մինչև 500,000դրամ վարկի դիմում ներկայացրած հաճախորդների համար,6.հետևել, որ Ֆորս-մաժորային վիճակից բխող քայլերը կատարվեն բոլոր բանկերի և վարկային կազմակերպությունների կողմից, ոչ թե ըստ ցանկության, հատկապես, որ Քաղ.օրենսգիրքը հստակ տալիս է Ֆորս-մաժորի սահմանումը

Ամփոփում

Lsum-ը գտել է 3 խնդիր

• 01

  Տոկոսներ, վճարներ և տույժեր

  Ֆինանսներ, բանկային գործ և ապահովագրություն → Տոկոսներ, վճարներ և տույժեր

  Վայրեր: ՀՀ-ում

  Ազդված խումբ: Վարկառուներ / պարտապաններ · Ցածր եկամուտ ունեցող տնային տնտեսություններ

  Բացել խնդիրը →
• 02

  Վարկի հասանելիություն և գրավ

  Ֆինանսներ, բանկային գործ և ապահովագրություն → Վարկի հասանելիություն և գրավ

  Ազդված խումբ: Թոշակառուներ · Վարկառուներ / պարտապաններ

  Բացել խնդիրը →
• 03

  Վարկի մարում

  Ֆինանսներ, բանկային գործ և ապահովագրություն → Վարկի մարում

  Ազդված խումբ: Վարկառուներ / պարտապաններ

  Բացել խնդիրը →

Ուղղորդված է

• Կենտրոնական բանկ
• Աշխատանքի և բարեկեցության նախարարություն
  • Կենսաթոշակային ապահովության և այլ դրամական վճարների վարչություն
• Վարչապետի աշխատակազմ