Request #4647

Citizen message

Հարգելի պարոն վարչապետ։ Ինպես եք վերաբերում այն իրողությանը, որ Գազպրոմ Արմենիան դիմել է Հանրային Ծառայությունները Կարգավորող Հանձաժողովին գազի գինը բարձրացնելու նպատակով։ Այս պայմաններում, երբ ամբողջ աշխարհը մեկը մյուսին օգնում է, մեր <<բարեկամ>>, <<դաշնակից>> Ռուսաստանի սուբյեկտը որոշել է գազի գինը բարձրացնելու հայտ ներկայացնել։ Համոզված եմ, որ Գազպրոմ Արմենիայի այդ քայլը համաձայնեցված է ռուսական Գազպրոմի, վերջինս էլ ՌԴ իշխանությունների հետ։ Այսինքն, ՌԴ փորձում է իր ահռելի կորուստները թեկուզ 0,5 տոկոսով վերականգնել մեր հաշվի՞ն։ Եվ սա կոչվում է բարեկամություն և գործընկերությու՞ն։ Սա այլ անուն ունի, որն այստեղ չեմ հնչեցնի։ Առհասարակ, հենց գազի թեման ամենապարզ ապացույցն է, որ ՍԴ-ն պետք է օր առաջ <<ոչնչացնել>>, որովհետ այս նույն ՍԴ-ն իր մեղքի մեծ բաժինը ունի գազային պայամանագրի մեջ, որ կնքվել է 2013թ․։ Իմ խորին համոզմամբ, ՍԴ-ն այս կազմով ի վիճակի չէ ապահովվելու Հայաստանի Հանրապետության սահմանադրական անվտանգությունն ու պաշտպանել Հայաստանի շահերը։ ՍԴ-ի այս կազմի գերակշիռ մասը անքակտելի թելերով կապված է նախկինի հետ։ Նրանց բազմաթիվ որոշումներ չեն բխել հանրության շահերից և չեն պաշտպանել ոչ միայն ունեզրկվող քաղաքացիներին, այլ նաև կայացրել են որոշումներ, որոնք եղել են տվյալ ժամանակվա իշխանությունների քիմքին հաճելի։ Որպես թարմ օրինակ հիշեցնեմ, որ 2013թ դեկտեմբերի 19-ին, ՍԴ-ն իր ՍԴՈ-1131, 1132 և 1133 որոշումներով ճանաչել էր, որ 2013թ․ դեկտեմբերի 2-ին Հայաստանի և Ռուսաստանի միջև կնքված գազային և նավթամթերքի պայմանագիրը համապատասխանում է ՀՀ սահմանադրությանը։ Այդ որոշումներից 4 օր անց, 2013թ․ դեկտեմբերի 23-ին, ԱԺ-ը բաց քվեարկությամբ (ձեռքերով թվեարկություն) վավերացրեց այդ պայմանագրերը, որ կնքվել էր 2013թ․ դեկտեմբերի 2-ին Հայաստանի և Ռուսաստանի միջև, ըստ որի Հայռուսգազարդի վերջին 20% բաժնեմասը, որ պատկանում էր կառավարությանը, ևս տրվում է Գազպրոմին կուտակված պարտքի դիմաց, որ գոյացել էր գազի թանկացման պատճառով։ Այդ պայմանագրով Գազպրոմին է տրվում ամբողջ էներգետիկ համակարգը մինչև 2043 թ․։ Ի դեպ, մոտ 300 միլիոն դոլար պարտքը կուտակվել էր 2011 – 2013թթ․ ընթացքում։ Որպես խոսքերիս հիմնավորում, հետևեք այս հղումներին https://www.azatutyun.am/a/25207598.html; https://www.azatutyun.am/a/25190033.html, որին ինքներդ քաջատեղյակ եք։ Կասկած չունեմ, որ գազի թանկացումն ու պարտքի գոյացումը թաքցվել էր հասարակությունից, որպեսզի դա չանդրադառնա Սերժ Սարգսյանի վրա 2013թ․ փետրվարին նախատեսված նախագահական ընտրություններին ընդառաջ։ Իմ համոզմամբ, ՍԴ-ի այդ որոշումները չեն տեղավորվում որևէ տրամաբանության մեջ։ Իհարկե, այդ պայմանագրերը գուց չեն հակասել մեր սահմանադրությանը իրավական ձևակերպումներով, նախադասությունների կառուցվածքով, բայց բովանդակությամբ հակասում են Հայաստանի շահերին։ Այլապես ինչ է նշանակում, որ մենք չենք կարող մինչև 2043 թ․ այլ երկրից գազ գնել և օգտագործել։ Ասեմ ավելին, 2013թ․ դեկտեմբերի 19-ի ՍԴ-ի որոշումների կայացման գործում մասնակից են եղել նաև ՍԴ այժմյան անդամներ Ֆելիքս Թոխյանը, Աշոտ Խաչատրյանը, Հրանտ Նազարյանը և Արևիկ Պետրոսյանը։ Իմ համոզմամբ՝ նրանք պետք է հեռանան մյուս երեք անդամների հետ միասին։ Նրանցից յուրաքանչյուրը սրբագրման իր մասնաբաժինն ունի պետության դեմ գործած ապօրինությունների մեջ։

Overview

Lsum found 2 issues

• 01

  Gazprom Armenia's application to the Public Services Regulatory Commission to increase natural gas tariffs

  Infrastructure and utilities → Energy, gas, and heating

  Open issue →
• 02

  Demand for the resignation of specific Constitutional Court judges over past controversial rulings

  Justice, rights, and public safety → Courts and legal aid

  Open issue →

Routed to

• Public Services Regulatory Commission
• Constitutional Court
• National Assembly