Request #4216

Citizen message

Սիրելի պարոն Փաշինյան, երևակայում եմ, որ երկրի առաջ կանգնած մարտահրավերների համեմատությամբ իմ բարձրացրած հարցը շատերին կթվա երկրորդական և թերևս չհավաքի պահանջված լայքերի քանակն ու արժանանա պատասխանի Ձեր կողմից, բայց օգտվելով ընձեռնված հնարավորությունից, որ առնվազն այն կընթերցվի, ցանկացա դրա մասին բարձրաձայնել։ 2015 թվականից ի վեր մինչ սույն տարվա հունվարի վերջը ես դատական գործընթացի մեջ էի ՀՀ կառավարության դեմ, վարչական գործով։ Առաջին` ՎԴ/6915/05/15 գործով 2 տարի ձգված դատավճռով ճանաչվել եմ տուժող կողմ Ֆինանսների նախարարության, այնուհետև ՊԵԿ–ի ենթակայության ավտոմաքսատան պետի կայացրած ոչ օրինաչափ վարչական ակտի կայացման մասով և դատարանը բավարարել է իմ բողոքը։ Դատական ծախսերի փոխհատուցման մասով ՊԵԿ–ը չի կատարել իր պարտավորությունները և գումարը բռնագանձվել է ԴԱՀԿ ուժերով։ Նույն պատկերը տեղի է ունենում իմ ՎԴ/2308/05/18 գործով։ Նորից ՊԵԿ–ը կամովին չի կատարում դատավճիռը և ԴԱՀԿ–ն է նորից միջամտում, որ ինձ հասանելիք գումարը ետ տան։ Կթվա, թե կայացված դատավճիռը և նրա անշրջելիորեն ի կատար ածվելը Հայաստանում երաշխավորված է և Ձեզ դիմելու խնդիր չկա։ Բայց եթե Դուք ծանոթանաք դատական վերջին գործի մանրամասներին, կտեսնեք, որ Առաջին ատյանը նույնիսկ մերժել էր կատարողական թերթ տալու իմ պահանջը և միայն վերաքննիչի դատավճռով այն բեկանվեց ջախջախիչ պատճառաբանությամբ։ Իսկ ամեն մի հերթական ատյանի դիմելը և պատասխան ստանալը, դա ամիսներ են։ Օրինակ` 03.08.2018-ին կայացված և իմ օպոնենտների կողմից չբողոքարկված, հետևաբար մի ամիս անց ուժի մեջ մտած դատավճռով, ինձ ՊԵԿԸ պարտավոր էր փոխհատուցել «իքս» գումար։ Մինչ այսօր ես այդ գումարը ետ չեմ ստացել և միայն մի փոքր մասը ԴԱՀԿ–ն հիմա պետք է մուրհակի ձևով ստանա ֆինանսների նախարարությունից, որոհետև ՊԵԿ–ը այլևս արտաբյուջետային հաշիվ չունի։ Ինչքան գիտեմ, մուրհակն էլ կանխիկ փող չէ, այլ «խոստում», որ մեկ տարվա մեջ այն կտրամադրիվի։ Հիմա նորից նայեք ամսաթվերին` 03.08.2018 թիվ և ներկա ամսաթիվը, անորոշ սպասումներով, թե երբ այդ դատավճիռը իրականություն կդառնա։ Վերջում ուզում եմ նշել, որ իրական արդարադատության ես Հայաստանում չստացա և դիմելու եմ ՄԻԵԴ։

Overview

Lsum found 1 issues

• 01

  State agencies failing to voluntarily pay court-ordered compensation, causing extreme delays and requiring compulsory enforcement.

  Justice, rights, and public safety → Courts and legal aid

  Open issue →

Routed to

• State Revenue Committee
• Ministry of Finance
  • Operational Department
• Ministry of Justice
  • Compulsory Enforcement Service