Request #2325

Citizen message

Պարոն Փաշինյան, արդեն անընդունելի չափերի ու որակի են հասնում որոշ հին ու նոր վայ քաղաքական գործիչների, լրատվամիջոցների ու փորձագետ/մասնագետների պոպուլիստական, ապատեղեկատվական, անվստահության ու խուճապի սերմանման վնասարարական գործունեությունը, այդ թվում նաև համապատասխան անպատասխանատու ու սադրիչ հայտարարությունները, մեկնաբանությունները և ելութները սոցցանցերում և լրատվամիջոցներում: Ու խոսքի ու լրատվության ազատության քողի տակ անպատժելիորեն ահագնացող այդ ամենաթողությունը դադարեցնելու համար նրանց ուղղված հորդորներն ու նույնիսկ վիրավորանքները արդյունք չեն տալիս: Ուստի, կարծում եմ, որ արդյունավետ կլինի, եթե Դուք առարկայական դիտարկումների, առաջարկությունների ու կարծիքների քննարկման համար պարբերաբար խորհրդակցության հրավիրեք հիմնական քաղաքական ուժերի, լրատվամիջոցների ու փորձագիտական կենտրոնների ներկայացուցիչներին: Դրանով մի կողմից հնարավորություն կտաք իրոք առարկայական ասելիք ունեցող ուժերին ու մասնագետներին ներկայացնելու իրենց հիմնավորված դիտարկումները, առաջարկությունները և այլն: Մյուս կողմից լրացուցիչ հիմքեր կստեղծվեն սահմանափակելու չակերտավոր ազգի փրկիչների, հին ու նոր վայ քաղաքական գործիչների, ընդդիմադիրների ու հայտնի ու անհայտ լրատվամիջոցների կողմից խոսքի ազատության քողի տակ անպատժելիորեն մեր պետության ու ժողովրդի նկատմամբ իրականացվող վնասակար գործունեությունը, որը հաճախ հատում է իշխանությունների դեմ պայքարի թույլատրելի սահմանը և վերածվում է մեր երկրի ու ժողովրդի դեմ տարվող անթաքույց պայքարի:

Overview

Lsum found 1 issues

• 01

  harmful disinformation and panic-sowing by certain media and politicians; citizen proposes regular PM-led consultations with constructive forces

  Other → Other unresolved

  Open issue →

Routed to

• Office of the Prime Minister
  • Prime Minister