Դիմում #5085

Քաղաքացու հաղորդագրություն

Հարգելի պարոն Փաշինյան, ես Վերոնիկա Հայրապետյանն եմ 41 տարեկան եմ։ Հարցս վերաբերում է օնկոլոգիկան հիվանդների աջակցությանը։ 2 տարի առաջ ինձ մոտ հայտնաբերվեց կրծքի չարորակ ուռուցք։ Դիմելով բազմաթիվ բժիշկների հասկացանք ,որ եթե ձեռք չբերենք այն գումարները որոնք անհրաժեշտ են որակյալ և արդյունավետ բուժման համար, ուրեմն կորցնում էս հույսդ և որակյալ բուժման հնարավորությունը։ Մենք հարազատների, ընկերների օգնությամբ նաև մոտ 5000000 վարկերի ձեռք բերմամբ կատարեցինք իմ բուժումը և վիրահատությունը։ Ցանկացած մարդ ով հաղթահարել է օնկոլոգիկան հիվանդությունը, բուժումն ավարտելուց հետո 5 տարի դեռ գտնվում է ռիսկային գոտում ։ Մեզ թոշակվորման կարգ հասնում է միայն 1 տարի։ Այդ կարգի շնորհիվ մենք տարին 1 անգամ կարողանում ենք կոմպյուտերային տոմոգրաֆիայի հետազոտություն անվճար անցնել, որի արժեքը 110000դրամ է ։ Բայց սա ընդամենը 1 տարի։ Մեզ ասում են, որ մեզ մեկ տարի է հասնում կարգը և որ մենք մեկ տարի հետո համարվում ենք բուժված պացենտներ։ Ասացեք խնդրեմ, եթե իմ նման հարյուրավոր մարդիկ վաճառում են իրենց բնակարանները որպեսզի փրկեն իրենց կյանքը և հետո ստիպված մի հատ էլ պետք է վճարեն բավական թանկ հետազոտությունների համար, ոնց անենք մենք։ Գոնե 5 տարի հնարավոր չէ այդ 3 կարգը պահպանել։ Հավատացեք պարոն վարչապետ օնկոլոգիկան հիվանդությունը շատ երիտասարդացել է հիմա։ Երիտասարդ մայրեր, աղջիկներ չունենալով այդ գումարները փակուղու առաջ են կանգնում։ Եվ ի վերջո օնկոլոգիկան հիվանդություններով պայմանավորված մահացությունների թիվը շատ մեծ է երիտասարդների շրջանում ։ Խնդրում եմ ձեզ առաջիկայում առողջապահական համակարգի մեջ ներառեք 5տարի անվճար հետազոտություններ ցանկացած օնկոպացիենտների համար։

Ամփոփում

Lsum-ը գտել է 2 խնդիր

• 01

  Հաշմանդամության աջակցություն

  Սոցիալական պաշտպանություն և ընտանիք → Հաշմանդամության աջակցություն

  Ազդված խումբ: Հիվանդներ · Հաշմանդամություն ունեցող անձինք · Վարկառուներ / պարտապաններ

  Բացել խնդիրը →
• 02

  Հասանելիություն և ծածկույթ

  Առողջապահություն → Հասանելիություն և ծածկույթ

  Ազդված խումբ: Հիվանդներ

  Բացել խնդիրը →

Ուղղորդված է

• Աշխատանքի և բարեկեցության նախարարություն
  • Հաշմանդամություն ունեցող անձանց հիմնահարցերի բաժին
• Առողջապահության նախարարություն
  • Բժշկական օգնության քաղաքականության վարչություն