Դիմում #3687

Քաղաքացու հաղորդագրություն

Բարև Ձեզ հարգելի Պարոն Փաշինյան, իմ հարցն էլ հետևյալն է, քանի որ ծանր ժամանակաշրջան է բոլորի համար, բոլորը տան պայմաններում են դասերն անում, հազարավոր ընտանիքներ՝ այդ թվում ես, չունենք բնակարանային հարմար պայմաններ դաս վարելու համար, որտեղ մի հարկի տակ ապրում է երեք ընտանիք, մի կերպ ենք հարմարեցնում, խնդրանքս հետևյալն է, ծրագրից հանել ֆիզկուլտուրա, նկարչություն, երգ և տեխնոլոգիա առարկաները, շատ լավ հասկանում և գիտակցում ենք որ դրանք էլ են պետք երեխաներին, բայց դա՛ դպրոցում, տան պայմաններում չենք կարող փոքրիկ ոչ դպրոցահասակ երեխաներին սաստել, հատկապես որ դուրս էլ չեն կարող գալ գոնե կես ժամով խաղալ, հիվանդ ծեր տատիկ պապիկներին անընդհատ լռեցնել որ երեխան ամբողջ օրը տանը դասերը անի ու առավել ևս որ չենք էլ կարողանում միանալ դասին երեխան բացակա է ստանում: Սա դժվար է նաև ա՛յն ընտանիքներին, ովքեր ունեն մեկից ավելի դպրոցական երեխաններ: Ակնկալում եմ որ գոնե պատասխան կստանանք:

Ամփոփում

Lsum-ը գտել է 1 խնդիր

• 01

  Հեռավար և թվային կրթություն

  Կրթություն → Հեռավար և թվային կրթություն

  Ազդված խումբ: Երեխաներ · Ուսանողներ · Ծնողներ · Բազմազավակ ընտանիքներ · +2

  Բացել խնդիրը →

Ուղղորդված է

• Կրթության, գիտության, մշակույթի և սպորտի նախարարություն
  • Հանրակրթության վարչություն